Fara at kanna brunn í havanum hjá konsulátinum

Turkiska løgreglan fer nú at kanna ein brunn, sum stendur inni í havanum hjá saudiarabiska konsulátinum í Istanbul, har samfelagskritisku saudiarabiski journalisturin Jamal Khashoggi varð myrdur í byrjanini av oktober.

Tá løgreglan fyrstu ferð ynskti at kanna brunnin, vildu saudiarabisk embætisfólk ikki geva loyvi til hetta, skrivar Reuters. Men nú sigur turkiska sjónvarpsstøðin NTV, at løgreglan nú hevur fingið loyvi til at kannað brunnin, og at hon fer at gera kanningar har nú.