Fekk treytaða frádøming av koyrikortinum og 2500 kr í bót

Løgreglan gjørdi ferðamátingar í Vágatunlinum seinnapartin í gjár, og har vóru tríggir bilførarar tiknir fyri at koyra alt ov skjótt.

Tann sum koyrdi skjótast, varð máldur at koyra 118 km/t. Hetta merkir, at bilførarin fekk eina treytaða frádøming av koyrikortinum, umframt eina bót á 2500 kr.

Tveir aðrir bilførarar vóru tiknir fyri at koyra 101 og 102 km/t. Hesir fingu klipp í koyrikortið og 2000 kr. í bót.