Felagssangur um alt Føroyar í kvøld

Klokkan 19 í kvøld verður lagt upp til felagssang av teimum heilt stóru. Tí í Reinsarínum fara Poul Jákup Thomsen við øðrum, at syngja fyri, og allir teir góðu slagararnir eru á skránni.

- Hóast vit ikki kunnu savnast fyri tíðina, so kunnu vit saktans hugna okkum upp á ektaðan føroyskan manér, og tað gera vit best við felagssangi, verður sagt úr Tórsgøtu.

Manningin, sum verður garantur fyri teimum góðu slagarunum eru Hjalti Skaalum, Ísak Jacobsen, Kári Olsen, Poul Jákup Thomsen og Jóanis Erik Køtlum.

Byrjað verður klokkan 19, og tað verður sent í sjónvarpinum hjá Kringvarpinum.