Ferðsluóhapp í Kollafirði - Førarin skuldsettur fyri rúsdrekkakoyring

Ein bilførari varð í gjárkvøldið skuldsettur fyri rúsdrekkakoyring í sambandi við eitt ferðsluóhapp í Kollafirði.

Tað var stutt eftir klokkan 23, at boðað varð frá óhappinum.

Boðað varð frá, at ein bilur var endaður á takinum úti í síðuni av vegnum, og at talan var um eitt sonevnt soloóhapp.

Tá løgreglan kom á staðið varð staðfest, at førarin, sum var einsamallur í bilinum, var ávirkaður av rúsdrekka.

Sjúkrabilur varð eisini sendur á staðið, men førarin hevði ikki fingið álvarsligan skaða.