Ferðsluruðulleiki um Gøtueiði

Tað er ógvuliga hált kring alt landið í morgun. Serliga stórur hevur trupulleikin verið á vegastrekkinum um Gøtueiðið, har bíðirøðin av bilum er long bæði Gøtu- og Skálafjarðarmegin.

Orsøkin er, at bilar standa fastir og ikki sleppa víðari.

Vaktleiðarin hjá løgregluni sigur við Portalin, at vegurin nú verður stongdur, so fleiri bilar ikki sleppa niðan. Hetta fyri at hjálpa bilunum, sum standa fastir og fyri at geva pláss til Landsverk, so tey sleppa framat at salta.