Fíggjarlógin einmælt samtykt

33 tinglimir atkvøddu fyri fíggjarlógini 2019 við triðju viðgerð, og fíggjarlógin er sostatt endaliga samtykt við mest møguligum atkvøðum fyri.

Andstøðan hevði 21 broytingaruppskot, men hesi fullu øll.

Løgtingsformaðurin niðurlegði fundin í eitt korter, og tá verður farið í holt við uppskot um misálitisváttan á Rigmor Dam, landsstýriskvinnu.

22:45: Korterið hjá løgtingsformanninum er farið, og enn røkist einki fyri at tingfundurin fer at byrja hvørja løtu. Helst gongur ein hálvur tími afturat.

Vit leggja dagføring á forsíðuna, tá røringur kemur í aftur.