Fimm flokkar á Argjahamri í sóttarhaldi

Skúlin á Argjahamri er hart raktur av koronu í løtuni, og fyribils eru fimm flokkar á skúlanum farnir í sóttarhald.

Marin Sigvaldsdóttir Bláberg, skúlastjóri sigur við Útvarpið, at níggju næmingar í einum flokki eru smittaðir, men hon hevur ikki talið á, hvussu nógvir næmingar eru smittaðir tilsamans, tí tilburðir blíva við at vera lagdir afturat.

Teir fimm flokkarnir, sum eru sendir heim eru úr miðdeild og hádeild, og fáa teir í løtuni undirvísing umvegis netið.