Fimm spildurnýggj tingfólk - fýra eru ikki vald áður

Fimm av teimum 33 valdu tingfólkunum eru spildurnýggj í landspolitikki. Tey eru:

A: Fróði Magnussen
B: Atli F. Johansen og Sunnvá Dahl Høgfeldt
C: Ben Arabo
E: Bjørg Brynhildardóttir Egholm

Hesi vóru toppskjúttar hjá flokkum sínum og topp-tíggju samanlagt

Sí øll valúrslitini her

Av hesum hevur bert Atli F. Johansen stilla upp til løgtingsval áður. Tað var í 2008.

Atli Johansen í skúlastjórasessinum við Gøtugjógv, har FM1 vitjaði hann í dag - samrøðan hoyrast á leinkjuni niðanfyri. Skjótt skal hann í Sambandssess í løgtinginum (Mynd: Pætur Nolseø)

Hoyr eisini: Á vitjan á Strondum og í skúlanum við Gøtugjógv

Bjørg Brynhildardóttir Egholm og Ben Arabo komu bæði inn við einum braki - blaðunga havnarkvinnan varð enntá fyrstnevnda á listanum hjá Tjóðveldi og sum yngst valda tingfólk í søguni. Bjørg og Ben vitjaðu FM1 í dag, og tað gjørdi Fróði Magnussen, stóra nýggja navnið hjá Fólkaflokkinum í høvuðsstaðnum eisini.

Video: Bjørg: - Lá til klokkan trý og royndi at svara boðum 

Hoyr eisini: Nývaldir profilar skulu inn at gera mun

Sí eisini: Sunnvá Dahl Høgfeldt: - Tað er nærum óveruligt

Grímur Sundstein (A), Súsanna Bertholdsen (C), Jóhan Christiansen og Liljan Weihe (E) blivu øll beinleiðis vald á fyrsta sinni. Tey hava verið inni sum varafólk, føst varafólk ella landsstýrisfólk í júst farna tingskeiðið.

Harumframt er Bill Justinussen aftur á tingi - hesaferð fyri sín nýggja flokk:

Bill sum fólkaflokstingmaður: - Havi altíð verið borgarligur

Les eisini: Hesi fullu á løgtingsvalinum