Fleiri avlýsingar fyrrapartin

Vegna veður sigla Ternan og Hasfjord ikki millum Skopun og Gomlurætt fyrrapartin í dag. Túrarnir á Hestleiðini vórðu eisini avlýstir í morgun.

Strandferðslan ávaraði longu í gjár um, at roknast kann við broytingum og/ella avlýsingum á áðurnevndu leiðum og á Nólsoyarleiðini.

Eisini varð boðað frá, at bilar ikki verða fluttir við Erlu Kongsdóttir um Nólsoyarfjørð fyrrapartin og seinnapartin. Fólk kunnu seta seg í samband við skiparan á Erlu Kongsdóttir fyri at frætta nærri um flutning av bilum í kvøld, skrivar Strandferðslan.

Nærri kunning um siglingina hjá Ternuni og Hasfjord verður tøk eftir middagsleitið í dag.