Fleiri bátar brúk fyri hjálp í gjár

Tríggjar ferðir í gjár fekk MRCC fráboðan um ein bát, sum hevði tørv á sleipi, skrivar heimasíðan hjá Vørn.

Fyrsta fráboðanin kom klokkan seks um morgunin um ein útróðrarbát, sum hevði fingið um skrúvuna eystanfyri Nólsoy.

Brimil sleipaði bátin á Havnina, og kavarar fóru niður og skóru av skrúvuni.

Hinar báðar fráboðanirnar komu um 15-tíðina.

Ein bátur var uppsteðgaður millum Stong og Eystnes, og stuttleikaskipið Borgarhjørt, sum var beint við, sleipaði bátin á Havnina eftir áheitan frá MRCC.

Ein bátur var eisini uppsteðgaður við Glyvursnes, og Rescue Lív sleipaði hann á Havnina