Fleiri seta búgv í Streymnesi

Í hesum døgum standa fimm sethús í gerð í Streymnesi og fleiri stykkir eru umbiðin. Kommunan gjørdi fyri nøkrum árum síðani eina stóra útstykking har frammi í bygdini og hetta sæst nú aftur við at nógv byggivirksemi er.

Fyrr í ár fór fólkatalið í Sunda kommunu upp um 1800 fólk, sum er tað mesta nakrantíð. Sethús eru í gerð í fleiri bygdum og eisini er nýggj útstykking gjørd í Saksun, skrivar Sunda kommuna.

Nógv grundstykkir vórðu seld í 2018, men enn eru nøkur stykkir eftir.