Tað torført at halda skil á nær tjóðardagur føroyinga er. Hetta hava danskir myndugleikar ásannað fleiri ferðir seinastu árini, men enn koma feilir fyri.
Í dag, 29. juni, ein mánað áðrenn ólavsøku, er tað Fólkatingið sum á Facebook ynskir føroyum tillukku við tjóðardegnum í dag.
Føroyski fólkatingslimurin, Sjúrður Skaale, hevur lagt mynd av pínligu støðudagføringini hjá Fólkatinginum á Facebook. Myndin varð tikin áðrenn uppslagið varð strikað.
- Spennandi hvør tekur stafettina komandi ár, sigur Sjúrður Skaale skemtiliga.
VP skrivar í morgun eisini um, at á bygninginum har Det Kongelige Danske Videnskabernes Selskab og Carlsbergfondet halda til, varð í morgun flaggað við Merkinum.
Vinarliga broyt tínar kennifíla - og privatlívsstillingar fyri at síggja hetta innihald