Forkvinnan afturvald

Leygardagin 18. februar hevði Fysioterapeutfelag Føroya aðalfund fyri limum felagsins. 

Forkvinnan í felagnum, Augusta Mikkelsen, stóð fyri vali og bleiv afturvald. Harafturat bleiv Hjørleif Niclasen afturvaldur at umboða privatstarvandi fysioterapeutar. Tey eru bæði vald fyri eitt fýra ára skeið.

Tveir tiltakslimir vóru valdir í eitt 2 ára skeið, hesi eru Niklas Reginsson og Rannvá Gray Jørgensen.

Í nevndini í Fysioterapeutfelag Føroya sita sjey nevndarlimir. Hesir eru Augusta Mikkelsen forkvinna, Ingunn Hansen skrivari, Hjørleif Niclasen umboð fyri starvandi, Jóngerð Biskopstø umboð fyri álitisfólk, Ingibjørg Matras, Sólfríð Skoradal og Bjartur Thomsen.