Føroya Arbeiðsgevarafelag fingið nýggja nevnd

Mándagin var aðalfundur hjá Føroya Arbeiðsgevarafelag, har nýggj nevnd varð vald.

Fyri vali stóðu Odd Eliasen, Ólavur Bjarkhamar og Jóhanna á Bergi. 

Odd Eliasen og Ólavur Bjarkhamar vórðu afturvaldir, men Jóhanna á Bergi stillaði ikki upp aftur. Í hennara stað kom Frimodt Rasmussen, stjóri í KSS, í nevndina, skrivar heimasíðan hjá Vinnuhúsinum.

Aftaná aðalfundin skipaði nevndin seg við Jón Sigurdssyni sum formanni og Høgna Hansen sum næstformanni. Formansskapurin er sostatt óbroyttur.