Innanlands

Føroyar seta sendistovu á stovn í Kina

Sigmundur Ísfeld er tilnevndur sendimaður á nýggju føroysku sendistovuni

Sigmundur Ísfeld (Mynd: Uvmr.fo)

Sigmundur Ísfeld (Mynd: Uvmr.fo)

2019-05-28 22:26 Author image
Tíðindaskriv
placeholder

Landsstýrismaðurin í uttanríkismálum, Poul Michelsen, hevur tikið avgerð um at føroysk sendistova verður sett á stovn í Beijing í Kina frá 1. august 2019.

Í hesum sambandi er Sigmundur Ísfeld tilnevndur sum sendimaður á nýggju føroysku sendistovuni.

Sigmundur Ísfeld er 53 ára gamal, og útbúgvin stjórnmálafrøðingur frá universitetinum í Bergen.  Sigmundur Ísfeld hevur drúgvar royndir í føroysku fyrisitingini og við uttanlandsmálum. Hann arbeiddi sum fulltrúi i í Vinnumálaráðnum í árunum 1996 til 1998, tá hann fekk starv í uttanríkistænastuni, har hann hevur arbeitt síðani.

Í árunum 2005 – 2008 var Sigmundur Ísfeld sendimaður Føroya í London. Síðani 2012 hevur hann verið sendimaður í Keypmannahavn; tey tvey seinastu árini við starvstaði í Føroyum, har Sigmundur Ísfeld samstundis hevur staðið fyri arbeiðinum at virka fyri at fáa handilsavtalur við lond í fjareystri.

Nýtt sendifólk í Keypmannahavn verður tilnevnt í næstum.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder