Mentan

Framsýningin "Gróðursettur – Tilflytarasøgur" latin upp í Müllers Pakkhúsi

Á framsýngini eru verk úr træi eftir Joel Cole, sum er fluttur til Føroya úr USA – Framsýningin, sum lat upp leygarkvøldið, er opin til 5. mars

Mynd: Tórshavnar kommuna

Mynd: Tórshavnar kommuna

2021-02-21 11:48 Author image
Alda Nielsdóttir
placeholder

Leygarkvøldið lat framsýningin "Gróðursettur – Tilflytarasøgur" upp í Müllers Pakkhúsi í Havn.

Á framsýningini eru 50 verk úr træi eftir Joel Cole. Træið er flutt til Føroya úr amerikanska statinum Minnesota, har listamaðurin er ættaður. Harafturat hvíla øll verkini á føroyskum bassalti.

Joel Cole kom til Føroya úr USA í 1986 sum skiftisnæmingar í eitt ár. Hareftir vitjaði hann í Føroyum á hvørjum ári fram til 2011, tá hann flutti til Føroya. Nú býr hann í Saltnesi saman við føroysku konu sínari. Hann eigur fimm børn, sum øll hava føroyskar røtur.

[object Object]Joel Cole (Mynd: Tórshavnar kommuna)

Framsýningin er opin millum klokkan 14 og 18 komandi tvær vikurnar.

Seks av verkunum hjá Joel Cole eru eisini heiðraði við frímerki frá Posta, sum komu út fríggjadagin. Meira um verkini og frímerkini kann lesast á Stamps.fo.

Tá framsýningin lat upp í gjár, var Heðin Mortensen, borgarstjóri í Tórshavnar kommunu, til staðar, og bar hann listamanninum eina heilsan. Røðan hjá borgarstjóranum, umframt fleiri myndir frá framsýningini, sæst her.

placeholder
placeholder