Freistin at søkja um ólavsøkuloyvi er mánadagin

Eins og í fjør, fáa ítróttafeløg, skótalið og aðrir felagsskapir pláss kring miðbýin til básar, tjøld og undirhald. Einki tilvoli verður á Skálatrøð.

- Hetta ber á sama hátt í sær, at avmarkað verður við kommunalum plássi til aðrar básar. Tó er møguleikin at nýta privat øki sjálvandi til staðar.

Hetta skrivar Tórshavnar kommuna á heimasíðu sínari í dag, í samband við at freistin at søkja um ólavsøkuloyvi nærkast.

Eitt slíkt er neyðugt, um ein vil standa fyri bási, sølu ella skipa fyri tiltaki - so sum framsýning - á ólavsøku. Freistin at søkja er nú mánadagin, 5. juni.

Hetta skal gerast á Vanganum, skrivar torshavn.fo. Eisini kann tilfar til ólavsøkuskránna skrásetast har áðrenn 30. juni.