Maður datt á sjógv í Vágsbotni

 Tað var lítið at gera hjá løgregluni í nátt, hóast fitt av fólki var í býnum. Tað boðar vakthavandi á løgreglustøðini frá. 

- Vit fingu onkra fráboðan um herverk og onkur var dottin á sjógv. Men sum heild var lítið at gera, greiðir vakthavandi frá. 

Vakthavandi sigur, at ein ungur maður var dottin á sjógv í Vágsbotni, og at vinmaðurin ringdi til løgregluna. Men maðurin kláraði sjálvur at koma upp og fór heim við hýrivogni.