Friðarlig nátt hjá løgregluni

Náttin hjá løgregluni hevur verið stak friðarlig. Tað kann hugsast, at tað er kalda veðrið, sum er orsøkin til, at fleiri fólk hava hildið seg heima við hús í nátt heldur enn at fara í býin.

Løgreglan hevur tó hjálpt fleiri, sum hava ligið avdottin í kuldanum.

Klokkan 4.10 kemur løgreglan fram á ein avdotnan mann á Gundadalsvegnum, og tey fáa hjálpt honum á føtur.

Vakthavandi á politistøðini sigur, at tá tey funnu mannin vísti bilurin 8 kuldastig.

Klokkan 5.30 fekk løgreglan boð um enn ein avdotnan mann í Gundadali. Hesin var tó sjálvur komin á føtur, tá løgreglan kom á staðið, og tað vísti seg, at maðurin búði tætt við, so hann hevði tí ikki brúk fyri hjálp til at koma heim.

Annars hevur einki mál verið í nátt, sigur løgreglan.