Fróði Hansen við nýggjari útgávu

Fróði Hansen letur í mati út nýggja útgávu. Vanliga hevur Fróði sungi á enskum, men á nýggju útgávuni verða føroyskir tekstir.

Útgávan, sum kallast Hola, inniheldur 8 løg.

Fróði Hansen skrivar á Facebook, at útgávan er framleidd og løgd til rættis saman við Mattias Kapnas, og er tikin upp í Studio Bloch í tøttum samstarvi við Theodor Kapnas.

Hola kemur út á talgildum miðlum tíðliga í mai, og einans 200 vinyl plátur verða gjørdar. Hvør útgáva far eitt tal, og er tað listamaðurin Bárður Dal Christiansen, ið við serstakum linoleumskurði stendur fyri at gera plátuhúsan.

Fróði Hansen fer við bólki sínum á tónleikaferð kring landið í seinnu helvt av mai.