Fuglur kom í motorin hjá Atlantsflog

Tað var í sambandi við fráferð klokkan 8 í morgun, at eitt flogfar hjá Atlantsflogi fekk ein fugl í motorin, og mátti venda við. Tjúgu minuttir seinni lendi flogfarið aftur í Vágum.

Flogskiparin kunnaði tey 122 ferðafólkini umborð, og so tað var tamarhald á støðuni, sigur Jóhanna á Bergi, stjóri í Atlantic Airways, við Kringvarpið í dag.

Tað eru strangar mannagongdir tá flogfør fáa fugl í motorin, og teknikarar skulu nú kanna flogfarið. Jóhanna á Bergi sigur við útvarpið, at tað ikki kemur at ávirka ferðsluna stórvegis.