Fundarhamari til Nes kommunu

Leygardagin hátíðarhelt Nes kommuna, at kommunan nú hevur fingið býarheitið, eftir at talið av borgarum í kommununi herfyri kom upp um 1.500.

Í dag fekk kommunuskrivstovan vitjan av Johan Elkjær Hansen á Nesi, sum hevði eina serliga gávu við til kommununa.

Gávan var ein hamari, sum borgarstjórin nú kann brúka, tá hann skal halda skil á ráðnum, sum nú ikki longur er bygdaráð, men kann kalla seg býráð.

Saman vil gávuni skrivar Johan Elkjær Hensen soleiðis.

“Fari við hesum at ynskja Nes kommunu hjartaliga tillukku við býarheitinum.

Í hesum sambandi vil eg fegin geva kommununi hesa gávu, ein fundarhamar, ið er dreyaður úr eini grein av gullregni. Greinin er av einum træi, sum bleiv gróðursett á Toftum fyri mongum árum, og fyri umleið tíggju árum síðan varð skorin av.

Greinin hevur ligið og tornað í nøkur ár, klár at seta í dreyibonkin at evna til.

Við ynski um góða eydnu og blíðan byr.

Johan Elkjær Hansen” 

Kelda: nes.fo