Borgarstjórin hevur kallað inn til fundar um samferðsluviðurskiftini í Hesti mikudag, 23. februar. Hetta er í samband við at koyrandi verður í Sandoynna skjótt, og at Teistin harvið verður tikin úr rutu.
Á fundinum verða landsstýrismaðurin í samferðslumálum, stjórin á SSL, stjórin á Landsverki, formaðurin í havnanevndini Kári Johansen, staðbundna nevndin í Hesti og sokallaða Teistanevndin.
Hetta skrivar Tórshavnar kommuna á heimasíðu sínari.
- Eitt av málunum, sum verður viðgjørt er, at tá nevnt hevur verið, at Erla Kongsdóttir ella líknandi skip skal nøkta tørvin á rutuni, so verður ikki mett, at slíkt skip nøktar tørvin á hestleiðini í framtíðini.
Til dømist tekur Erla Kongsdóttir bert bilar upp til 7 tons - oljubilar, ruskbilar, renovationsbilar o.l. viga millum 25-32 tons.
Í Hesti eru fólk eisini bangin fyri, at ferjulegan verður broytt soleiðis, at tað ikki ber til hjá størri ferjum at leggja at í framtíðini, um verandi ferjulegu verður broytt til eina, ið Erla Kongsdóttir kann brúka.
Heðin Mortensen, borgarstjóri, hevur áður mælt til, at hetta mál ikki bíðar, til koyrandi er í Sandoynna, men at royndir verða gjørdar beinanvegin og at ein loysn verður funnin sum skjótast.
Vinarliga broyt tínar kennifíla - og privatlívsstillingar fyri at síggja hetta innihald