Innanlands

Fýra koyrdu ov skjótt í bygdum øki

Løgreglan hevur gjørt ferðmátingar kring landið og kanna ferðsluna við skúlar. Eingin varð innlagdur í samband við ferðsluóhappi í Norðragøtu í gjár

2020-05-27 09:15 Author image
Agnar Prestá
placeholder

Løgreglan gjørdi í gjár ferðmátingar kring landið. Fýra ferðslumál stóðust av hesum.

Í øllum málunum koyrdi bilførarin ov skjótt í bygdum øki - tó ikki so skjótt, at talan gjørdist um eitt klipp. Bilførarnir, tríggir í Eysturoynni og ein úr Havn, fingu allir bót.

Ferðslan við skúlar varð eisini kannað. Vakthavandi sigur, at har vóru fólk fyrimyndarlig í mun til ferð, viðvíkjandi ljósum og at sita i trygdarbelt.

Vórðu skjótt útskrivaði

Eitt ferðsluóhapp var í Norðragøtu í gjár. Ein bilur legði út fyri ein annan, tá hann kom niðan úr bygdini beint við vøllin í Sarpugerði. Tað er ikki heilt sjálvdan, at
ferðusluóphapp er á hesum staðnum.

Les eisini Helt ikki treytaðu vikiskylduna

Materielli skaðin var stórur og tveir sjúkrabilar komu á staðið. Vakthavandi í morgun sigur, at tey ið vórðu koyrd á sjúkrahús vórðu skjótt útskrivaði.

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder