Fyrsta formansumfarið longu í kvøld

Valstríðið í sambandi við fólkatingsvalið 2019 er skotið í gongd. Lars Løkke Rasmussen, forsætisráðharri, hevur útskrivað val at vera grundlógardagin, 5. juni.

Og longu í kvøld verður fyrsta formansumfarið í sjónvarpinum, har formenninir í politisku flokkunum verða gestir. Beinta Løwe og Georg L. Petersen eru vertir.

Spurt verður millum annað, hvat flokkarnir ætla at brúka ein møguligan fólkatingssess til og hvønn teir peika á til forsætisráðharra eftir valið.

Formansumfarið verður eftir Dag & viku, klokkan 19:20.