Fyrsta rúmdarfar hjá Boeing

Fyri fyrstu ferð er eitt rúmdarfar frá amerikansku flogverksmiðjuni Boeing sent avstað við tveimum astronautum umborð við kóst móti altjóða rúmdarstøðini ISS. Tað skrivar amerikanski miðilin CNN.

Starliner, sum rúmdarfarið eitur, er nú farið í ringrás um jørðina.

Við umborð eru tveir astronautar frá Nasa, Suni Williams og Butch Wilmore. Einaferð í morgin verður Starline koplað til rúmdarstøðina.

Starliner varð sent avstað við eini Atlas V-rakett frá Cape Canaveral í Florida. 

(Tekstur rættaður - navnið á rúmdarstøðini - kl. 17.14)

Astronautarnir Butch Wilmore og Suni Williams undan fráferðini (Mynd: EPA)