Fyrsti kvinnuligi hægstarættardómari í Pakistan

Í dag hevur Pakistan fingið sín fyrsta kvinnuliga hægstarættardómara. Tað skrivar Reuters.

Talan er um 55 ára gomlu Ayesha Malik, sum varð vald av einari níggjumannanevnd, sum upprunaliga var ímóti tilnevningini í fjør. Men í ár varð hon so vald við fimm atkvøðum fyri og fýra ímóti.

_ Eg ynski Ayesha Malik dómara til lukku við tilnevningini sum fyrsti kvinnuligi dómarin í hægstarættinum, segði forsætisráðharrin, Imran Khan á Twitter.