Heiðurstekin til starvsfólk hjá løgregluni

Í farnu viku varð skipað fyri árligu nýggjársparolunum hjá Føroya Politi á politistøðunum í Havn, í Klaksvík og á Tvøroyri.

Til parolurnar bar Michael Boolsen, fúti, fram eina aftur- og framlítandi nýggjársrøðu, og umrøddi eisini rák, sum eyðkenna kriminalitetsmyndina í Føroyum í dag.

At enda vórðu heiðurstekin handað fyri góða og drúgva tænastu hjá Føroya Politi. Nýggjársparola varð hildin í Havn 13. januar, í Klaksvík 15. januar, og á Tvøroyri 16. januar.

Hesi fingu heiðurstekin: 

• Hans Ludvig Djurhuus - 50 ára tænasta – gull eikibløð til heiðursteknið
• Mariann Reinert - 25 ára tænasta – heiðurstekin
• Hans Flóvin Hammer - 25 ára tænasta – heiðurstekin
• Ulrik Kjærgaard Ravn Andersen - 25 ára tænasta – heiðurstekin
• Marita Arnleyg Poulsen - 25 ára tænasta - heiðurstekin