Myndir: Dragin sigldi á Flesjarnar

Um 11-tíðina fyrrapartin varð boðað frá, at skipið Dragin hevði siglt á Flesjarnar.

Ein skúlaflokkur var umborð, tá óhappið hendi, og men har var ongantíð nakar vandi á ferð. Ferðin var lítil, og skipið lak ikki, varð upplýst av MRCC-støðini.

Skúlabørnini vórðu flutt til lands við øðrum báti, og tá skipið varð leyst aftur, varð tað sleipað á Toftir.

Finnur Justinussen, leit.fo, tók hesar myndirnar, tá Arun kom á Toftir við Draganum.