Myndir: Fimm myllur reistar í Suðuroy

Nú eru fimm av sjey myllum hjá SEV reistar í Porkerishaganum. Fimm sonevnd myllutorn eru reist, og veingir eru monteraðir á tveimum av myllunum.

Niðanfyri síggjast myndir, sum vórðu tiknar, tá nevndin í SEV vitjaði í Porkerishaganum, har arbeitt verður við vindmyllulundini í løtuni.

Tað var í sambandi við nevndarfundi, sum varð hildin á Vágsverkinum hósdagin 27. august, at nevndin vitjaði í Porkeri.

Í nevndini eru Marin Katrina Frýdal, John Zachariassen, Jónsvein Hovgaard, Hans Jacob Johannesen Sune Jacobsen, Poul Klemmentsen, og Kristian Eli Zachariasen.