Sambýlið á Mýrini alment tikið í nýtslu

Seinnapartin í gjár varð skipað fyri móttøkuna í sambandi við at Sambýlinum á Mýrini alment varð tikið í nýtslu.

Áðrenn almennu móttøkuna varð almenningurin boðin vælkomin inn á gólvið at hyggja eftir nýggja sambýlinum.

Sambýlið á Mýrini er bústaður til fólk við menningartarni. Húsið fevnir um bæði sambýli og búfelagsskap, har 12 kømur/íbúðir eru í sambýlinum og 6 sjálvstøðugar íbúðir eru í búfelagsskapinum. Húsið er býtt í tríggjar búeindir við seks fólkum í hvørjari búeind.