Gera eina roynd at reka móti Sandavági

Tað gongur ógvuliga illa at reka grindina, sum varð funnin tríggjar fjórðingar úr Trælanípu seinnapartin.

Hetta upplýsir Finnbogi Midjord, sýslumaður, í kvøld.

Tá hann fyri løtu síðani prátaði við bátarnar sum liggja hjá grindini varð sagt, at ein roynd fór at verða gjørd at reka hana móti Sandavági.

Men kemur gongd ikki á heilt skjótt, so má støða takast til um at blása av, tí nú fer at myrkna nakað skjótt.

Eini 15 bátar eru hjá grindini.