Gera veg til nýggju vindmyllulundina í Porkerishaganum

Gongd er komin á at gera vegin niðan til vindmyllulundina sum skal gerast í Porkerishaganum.

SEV vann í fjør útboð uppá at seta upp vindmyllulund í Porkerishaganum. Og í november fekk SEV góðkenning frá Umhvørvisstovuni til at fara undir vindmyllulundina.

Vegurin verður gjørdur frá landsvegnum og niðan í Porkerishagan, skrivar Suðurrás. Articon stendur fyri arbeiðinum at gera vegin fyri SEV, og vegurin verður umleið hálvan annan kilometur langur.

Talan eru um sjey vindmyllur, sum skulu setast upp í Porkerishaganum, og tær vera 45 metrar høgar, veit Suðurrás.