Gist & Vist yvirtekur enn eina matstovu

Gist & Vist yvirtekur matstovuna í Skeiva Pakkhúsi við Rættará í Havn. Tað visti Dagur & vika í kvøld.

Talan er um fimm ára leigumál og avtalan varð undirskrivað seint seinnapartin í dag, váttar Johannes Jensen, stjóri í Gist & vist fyri Dag & viku.

Tað var í mai mánaði í fjør, at Leif Sørensen saman við øðrum lat matstovuna upp í søguligu hølunum, og matstovan hevur havt opið síðani.

Samtakið Gist & Vist rekur frammanundan Hotel Føroyar, Hotel Tórshavn og nógvar av matstovunum í Havn. Tær eru millum annað The Tarv, Áarstova, Barbara, Ræst, Hvonn, Etika, Smyrjibreyðsbúðin og No 12.

Síggj myndir av Skeiva Pakkhúsi her