Góða Borðið við Leif Sørensen heima hjá tær

Fríggjadagin 29. mars frá kl. 15 og allan leygardagin 30. mars, verður Góða Borðið við Gestus og Miklagarði á Torginum í SMS. Hetta verður eitt vikuskifti við íblástri til matskránna og prýði til veitsuborðið, eitt nú fermingina. Tað er Leif Sørensen, sum hevur ment ymsu rættirnar við Gestus vørum. Hetta vikuskiftið verður sostatt gjørligt at royna tríggjar rættir, ið hóska seg væl til kalda borðið og køkuborðið, borðreitt av einum av kendastu kokkunum í Føroyum. Somuleiðis fært tú møguleikan at taka tær 5 ymsar uppskriftir heim við, sum tú kanst royna. 

Ongin veitsla uttan vakurt prýði. Tískil verða fleiri uppreidd borð at síggja á Torginum, har tú kanst fáa íblástur til veitsluprýði. Tað verður bæði prýtt við blómum og ymsum handaligum. Sostatt fært tú eina heildaruppliving við íblástri til bæði góman og eyguni.

Vinn Góða Borðið við Leif Sørensen heim við

Sum nakað heilt serstakt, verður eisini gjørligt at vinna Góða Borðið við Leif Sørensen og Gestus heim við. Tað einasta, tú skalt gera, er at útfylla ein lepa og koyra hann í ein kassa á Torginum í SMS, so ert tú við í kappingini um at fáa Leif Sørensen heim til tín at matgera til eini 5 fólk.