Grækarismessuhald á Vaglinum sunnudagin

Grækarismessuhaldið í Havn verður sunnudagin. Fyriskipararnir frøast at kunna bjóða øllum oman á Vaglið aftur uttan avmarkingar vegna koronu. 

Skrúðgongan byrjar undir Bryggjubakka klokkan 15, tá skótar, úlvar og títtlingar úr skótaliðunum í Havn fara til gongu. Gingið verður niðan um Finsen eftir Tróndargøtu og síðani oman á Vaglið eftir Niels Finsens gøtu. 

Hornorkestrið spælir nøkur løg, og síðani fer Jóhann Mortensen at flyta fram røðu.