Agnar Prestá
Vanliga avdúkar G! eitt nýtt navn hvønn týsdag hesa tíðina.
Hesa vikuna er Spæl Føroyskt vika, og tí sambandi avdúkar G!Festivalurin eitt nýtt navn hvønn dag - øll eru føroysk.
Nú er greitt, at Greta Svabo legst afturat føroyskum nøvnum sum Hall Joensen, Marius DC, Beinir og Benjamin Rajani.
Festivalurin skrivar, at Greta Svabo Bech í dag býr "úti á landinum" í Fraklandi, har hon skrivar egnan tónleik, sum hon tekur upp í vakra landslagnum. Ofta í túninum, bert við eini mikrofon og einum spolabandupptakara.
- Hon skrivar tíðarleysar sangir, sum hava heimsspekiligan og alvitandi dám. Og tá ið hon framförir á pallinum ert tú ikki í iva: Tú ert í rúmi við eini stjörnu.
Føroyska songkvinnan og sangskrivarin er áður tilnevnd eina Grammy virðisløn og hevur arbeitt á skeringum hjá heimskendu Deadmau5, The Bloody Beetroots, Cher og Ludovico Einaudi.
G! verður dagarnar 17.-19. juli í ár.
Vinarliga broyt tínar kennifíla - og privatlívsstillingar fyri at síggja hetta innihald