Guðrun Zachariassen nýggjur kommunulækni á Sandoynni

Guðrun Zachariassen er sett í fast læknastarv í Sandoyar Læknadømi.

Tað skrivar Sands kommuna á Facebook í dag.

- Guðrun er ikki ókend her um leiðir, hon hevur verið avloysari á Sandi seinastu tíðina. Hon kemur sostatt í starvið, sum Petur Højgaard hevur røkt í nógv ár, sigur kommunan.

Guðrun er sett í starv, frá 1. september, og tað merkir at nú eru bæði læknastørvini á Sandoynni mannaði. Jóna Hansen røkir hitt læknastarvið.