Hanna Jensen: Stóri áhugin at lesa løgfrøði skal gangast á møti

Áhugin fyri at lesa løgfrøði í Føroyum er ógvuliga stórur, og tí er tað týdningarmikið, at Fróðskaparsetrið eisini gevur ungum í Føroyum hendan møguleikan. Tað sigur Hanna Jensen, landsstýriskvinna í útbúgvingar- og granskingarmálum, við Kringvarpið.

Sambært umboði hjá Sambandsflokkinum lesa eini 70 føroyingar løgfrøði í Danmark í løtuni, og tí er ikki tørvur á fleiri føroyskum løgfrøðingum nú.

Men Hanna Jensen sigur, at føroyskir ungdómar ynskja at lesa løgfrøði, og tí skal útbúgvingin raðfestast.

- Vit skulu hava útbúgvingar í Føroyum, sum skapa trivnað millum tey lesandi í Føroyum og viðkomandi útbúgvingar, sum tey ynskja at taka, sigur Hanna Jensen.

Samrøðan við Honnu Jensen kann hoyrast her.