Harðasta ódnin í 176 ár rakar Portugal

Ódnin Leslie, ið nærkast Portugal kann gerast harðasta ódnin, ið hevur rakt landið síðan 1842, skrivar DR.

Myndugleikarnir heita á fólk um at halda seg innandura.

Sjómenn hava fingið boð um at koma til lands, og fleiri flogferðir eru avlýstar, tí at veðurfrøðingar vænta hvirlur upp móti 33 metrum um sekundið.

Veðurfrøðingar vænta eisini, at Spania verður rakt tíðliga sunnudagin, og er Spania tí eisini í ferð við at fyrireika seg til ódnina.

Sambært portugisiskum veðurfrøðingum er vandi fyri, at hetta verður harðasta ódnin, ið rakar landið í 176 ár.