Harðskapsmál meldað í Havn

Tíðliga í morgun varð eitt harðskapsmál meldað til løgregluna.

Tað var stutt eftir klokkan fimm í morgun, at ein persónur varð útsettur fyri harðskapi í miðbýnum í Havn.

Vaktleiðarin á løgreglustøðini í Havn sigur, at viðkomandi var sligin og misti eina tonn. Ein persónur varð handtikin og skuldsettur.

Annars hevur seinasta samdøgrið sum heild verið rættiliga friðarligt hjá løgregluni, men seinnapartin í gjár vórðu tveir bilførarar eisini tiknir fyri rúsdrekkakoyring í Klaksvík.