Hava funnið mikroplast í menniskja fyri fyrstu ferð

Mikroplast er allastaðni. Tað er í luftini, í vatninum og í mati. Nú er mikroplast fyri fyrstu ferð funnið í menniskjum.

Ein nýggj kanning hjá Umhvørvisstovninum í Eysturríki fann mikroplast í teimum átta persónunum úr Evropa, Japan og Russlandi, sum tóku lut í kanningini.

Í miðal varð funnið 20 partiklar av mikroplasti í persónunum. Níggju ymisk sløg av plastikki varð funnið, skrivar TV2.