Uttanlands

Hava funnið seks deyðar gíslar

Líkini av seks gíslum vórðu funnin í einum tunli undir Rafah í Gazageiranum

Jon Polin og Rachel Goldberg, foreldur Hersh Goldberg-Polin, sum er ein av gíslunum, sum vórðu funnin deyð í Rafah, hildu røðu á landsfundinum hjá Demokratunum í Chicago 21. august (Mynd: EPA)

Jon Polin og Rachel Goldberg, foreldur Hersh Goldberg-Polin, sum er ein av gíslunum, sum vórðu funnin deyð í Rafah, hildu røðu á landsfundinum hjá Demokratunum í Chicago 21. august (Mynd: EPA)

2024-09-01 11:12 Author image
Alda Nielsdóttir
placeholder

Ísraelski herurin hevur funnið líkini av seks gíslum í einum tunli undir Rafah í Gazageiranum.

Talan er um gíslarnar Carmel Gat, Eden Yerushalmi, Hersh Goldberg-Polin, Alexander Lobanov, Almog Sarusi og Ori Danino, sum vórðu tiknir undir álopinum hjá Hamas á Ísrael 7. oktober í fjør.

Sambært amerikanska forsetanum Joe Biden er ein av teimum - Hersh Goldberg-Polin - ein amerikanskur ríkisborgari.

Biden sigur, at eingin ivi skal vera um, at Hamas-leiðarar fara at bøta fyri teirra brotsverk, og verður framvegis arbeitt fyri at fáa eina avtalu um leyslating av teimum gíslunum, sum eru eftir í Gaza.

Sambært talsfólki hjá ísraelska herinum, Daniel Hagari, vórðu gíslarnir dripnir stutt áðrenn herurin kom fram á teir, skrivar Ritzau.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder