Heilbrigdi flytur møguliga inn í nonnukleystrið

Eftir ætlan skal viðgerðarstovnurin Heilbrigdi virka í gamla nonnukleystrinum í Havn.

Hesum arbeiðir landsstýriskvinnan í heilsumálum, Margit Stórá, við. Tað upplýsir hon fyri útvarpinum.

- Hetta er ein góð loysn, sum eg havi fingið politiska undirtøku fyri at arbeiða víðari við sigur landsstýriskvinnan í heilsumálum við útvarpið. Hon væntar eina niðurstøðu í hesum árinum.

Húsini, sum Heilbrigdi húsast í á Velbastað, eru í ringum standi, og arbeitt hevur verið við einari loysn.

Fyri einari viku síðan vóru seinastu Fransiskanarasystrarnar av landinum. Fimm nonnur hava seinastu árini búð í kleystrinum Kerit í Varðagøtu í Havn.