![placeholder](https://dagur.fo/css/img/banner2x1.png)
– Eg eri skelkaður.
Soleiðis sigur Jens Stoltenberg, Nato-aðalskrivari um drápsroyndina á fyrrverandi amerikanska forsetan Donald Trump í nátt.
Í dagføring á sosiala miðlinum X sigur Stoltenberg m.a., at hann fordømir álopið á Trump.
– Politiskur harðskapur hoyrir ikki heima í okkara fólkaræði. Nato-sameind standa saman fyri at verja okkara frælsi og virðir.
Fleiri heimsleiðarar hava fordømt álopið á Trump.
Franski forsetin, Emmanuel Macron sigur, at álopið er "ein sorgarleikur fyri okkara fólkaræði", og kanadiski forsætisráðharrin, Justin Trudeau sigur, at hann gjørdist "sjúkur" av at hoyra um hendingina.
– Politiskur harðskapur hoyrir ikki heima í okkara samfelag, og mínir tankar fara til offrini í hesum álopinum, sigur bretski forsætisráðharrin Keir Starmer.
Danski forsætisráðharrin, Mette Frederiksen skrivar soleiðis á sosiala miðilin X.
– Skelkað yvir at hoyra tíðindini um skottilburðin á valfundinum í Pennsylvania. Slíkur politiskur harðskapur kann als ikki góðtakast og hevur einki pláss í okkara samfelag. Mínir tankar eru við Donald Trump og hansara kæru og við familjunum hjá teimum dripnu og særdu.
Aksel V. Johannesen, løgmaður fordømir eisini álopið á Trump í fráboðan á X.
– Vit mugu ongantíð góðtaka harðskap í einum fólkaræði.
Les eisini: Brotsmaðurin eyðmerktur
Dagførd kl. 12.44
Vinarliga broyt tínar kennifíla - og privatlívsstillingar fyri at síggja hetta innihald