Alarmur í Hoyvíkar kirkju: Helst dreingir sum hava brostið fýrverk í grannalagnum

Roykalarmurin í Hoyvíkar kirkju fór fyrr í kvøld í gongd, og løgregla og sløkkilið vóru tí boðsend.

Skjótt bleiv tó staðfest, at talan var ikki um eld, men um royk í økinum.

- Helst er tað at dreingir hava brostið fýrverk í grannalagnum, og tað var nokk til at alarmskipanin í kirkjuni, sum er følsom, segði frá, upplýsir vakthavandi á løgreglustøðini í kvøld.

Vakthavandi staðfestir, at alarmarnir í kirkjuni rigga.

Sløkkiliðið hevði venjing í kvøld, og koyrdi beinleiðis til Hoyvíkar kirkju, so tað gekk eitt sindur skjótari fyri seg enn vanligt.