Henrik Weihe Joensen gevur út yrkingasavn

Yrkingasavnið er samansett við 80 yrkingum, prosayrkingum og ritroyndum. Yrkingasavnið Rák verður givið út til heiðurs og til minnis um, at tað í ár eru 80 ár liðin, síðani seinna heimskríggj endaði og Sameindu Tjóðir (ST) varð stovnað.

Samtíðis er yrkingasavnið ein viðurkenning til tey skrivandi fólk, burturi og heima, sum hava borið ein stóran, persónligan kostnað fyri sína skriving um samfelagslig viðurskifti.

Í myndatalu er tað sum at fara upp um bøgarðin at reika, tá mítt fyrsta yrkingasavn nú verður givið út, at eg

“hóast eisini varin av lyndi;
var tað so rákið, sum kyndi
undir neistaferðina, hagar fá kaga,
tí tey enn kanska garðin laða?”

Við vón um, at yrkingasavnið Rák gagnast øllum føroyingum umframt øðrum fólkasløgum, yngri og eldri, bæði innan og uttan fyri skúlagátt.