Alda Nielsdóttir
Í gjár gav Herborg Torkilsdóttir út nýtt staklag, ið nevnist "Vinarliga bíða við".
Lagið er ein eftirfylgjari av lagnum "Náttin var okay", sum songkvinnan gav út í september.
Hvat hendi, tá náttin var okay, tey gjørdust par og gerandisdagurin vísti sítt andlit? Kanska hetta?
Herborg eigur orð og lag, meðan Danny Beck úr Manchester hevur framleitt.
Í lagnum hoyra vit m.a. um ein "Jan", sum altíð ringir og órógvar, tá ætlanin er at hugna sær saman sum par.
Í sambandi við útgevingina, hevur Herborg sett eina kapping í gongd á sínum facebookvanga, har hon biður fólk, um at frámerkja onkran, sum tey síggja sum ein "Jan". Longu nú hava fleiri luttikið, og vinnarin verður funnin nýggjársaftan, verður sagt í tíðindaskrivi.
"Vinarliga bíða við" kann hoyrast á m.a. YouTube og Spotify.
Vinarliga broyt tínar kennifíla - og privatlívsstillingar fyri at síggja hetta innihald