Video: Hesa ferð verður Tina-omman í X Factor áhoyrarafjøldini

- Eg eri ikki so glað fyri at flúgva, men nú Tina er komin í finaluna, so helt eg, at eg mátti fara.

Soleiðis segði Mortina Petersen, vanliga kallað Tina, tá vit støðgaðu henni í viðførishøllini í Kastrup um middagsleitið.

Omman er komin til Danmarkar at stuðla ommudóttrini, ið er uppkallað eftir henni, nú Tina Mellemgaard er komin í finaluna í X Factor.

Men tað er ikki bara spenningur yvir, hvussu tað fer at gangast Tinu í kvøld.

Eitt nýtt ommubarn, ein lítlibeiggi ella -systir hjá Tinu væntast at heilsa verðini góðandag hvørja løtu tað skal vera...