Hesi skulu kóka drekkivatnið

Í samband við at Vágs kommuna hevur yvirtikið Brekkugerðar Vatnfelag, vórðu royndir tiknar av vatninum. Vatnroyndir vórðu tiknar av vatni frá brunninum hjá gamla Brekkugerðar Vatnfelag og staðfest var, at bakteriur eru í drekkivatninum. Kommunan heitti tí á borgarar, sum fáa vatn frá Brekkugerðar Vatnfelag, um at kóka vatnið til lýst verður aftur.

Men óvissa hevur stungið seg upp um hvør tað er, sum fær vatn frá Brekkugerðar Vatnfelag. Fleiri borgarar hava vent sær til kommununa fyri at vita, um tey skulu kóka sítt vatn. Tí hevur kommunan nú latið gjørt eitt kort, sum vísir hvørji fáa vatn frá felagnum og tískil skulu kóka vatnið.

Ovast í greinini er kort yvir hvørji húsarhald fáa vatn frá Brekkugerðar Vatnfelag.